Ergoterapeutar hava útbúgving í at loysa aktivitetstrupulleikar í gerandisdegnum.

Aktivitetir í gerandisdegnum er alt tað vit gera hvønn dag, so sum:

• Sjálvbjargni: At eta, drekka, lata okkum í/úr, og onnur persónlig umsorgan.

• Virkisføri í gerandisdegnum: At fara í barnagarð/skúla/arbeiðis, at læra og luttaka í undirvísing, at halda skil á egnum tingum, at luttaka í aktivitetum og í tí umhvørvi sum er væntað av okkum, um tað er í barnagarð, skúla ella til arbeiðis.

• Frítíð og sosialt samspæl: At ganga til frítíðarítriv, ítrótt, at spæla, at vera saman við vinfólki og familju og teimum aktivitetum sum har til hoyra.

Soleiðis hjálpir ergoterapeuturin tær at megna aktivitet og luttøku í gerandisdegnum:

• At menna sansamotoriskar førleikar (venjing av munn-, fín- og grovmotorikki, venjing av sansum og nervalagi)

• At tillaga aktivitet ella umhvørvi (tillaging av hvussu man útførir aktivitetin, hjálpiamboð/hjálpitól, tillaging av innrætting ella umhvørvi)

• At venja aktivitetstrupulleikar ( at venja í gerandisaktivitetum, sosialt samspæl o.l.)

Vit í Ergoblómuni hava eisini útbúgving sum bio-psyko-sosialir barna stressvegleiðarir, og tí bjóða vit eisini undirvísing, ráðgeving og venjing í samband við børn sum hava eitt overva nervalag.

Afturat hesum hava vit skeiðir og hollar royndir innan hesi økini:

• ADHD (Ein er útbúgvin ADHD-ráðgevi, Let´s Visualize)

• Trupulleikar at eta og drekka (OPT, OMFT, Dysfagi o.a.)

• Trupulleikar við sansum (Sensory profile, Sensory processing measure)

• Trupulleikar við motorikki (Movement ABC, Aktiv primitiv refleksir o.a.)

• Trupulleikar við regulering av nervalag (Ymisk skeiðir um n. Vagus, Kim Barthel, Pernille Thomsen (søhestemad) o.a.)